欢迎来到哥也爱中文网,我们因为缘分而相聚。请记住我们的网址:blog-madeinchina.com。哥也爱中文网提供更多更好看的东东都在这里

摘要: 今日关键词:古天乐 吴卓琳 王祖蓝 雷庄儿 陈凯琳 郑嘉颖

卓林女友被爆同旧男友未斩缆 同陈凯琳旅行结婚?郑嘉颖:未必冇机会



今日快报



中途变挛?卓林女友被爆同旧男友未斩缆



艺人吴绮莉囡囡吴卓林喺网上宣布出柜,兼认爱同性密友Andi后,连日来都备受关注,不过两人无惧压力,早前仲预先庆祝拍拖九个月,点知最近又惹来是非。



据知Andi未同卓林拍拖之前,已经有一个拍拖多年嘅男友,当时两人关系稳定,Andi仲经常喺社交网放闪,放上二人嘅亲密合照,包括有锡面、手拖手背影及揽狗「一家三口」照等等,上年6月Andi仲发文庆祝拍拖九周年,并写道:「Happy 9 years to my nunu~ forever & counting~」


不过两人最终分手收场,随即Andi亦恋上卓林,但近日传出Andi同旧爱依然关系密切,呢段三角关系似乎剪不断理还乱。


【提绯闻女友郭采洁】古天乐连讲3次…

 


影星古天乐(古仔)、张智霖(Chilam)和罗兰等在铜锣湾街头出席惊栗电影《常在你左右》首映礼,引来大量粉丝围观,场面墟冚!



访问时,问到会否再开同系列作品?古仔则指要视乎票房:「呢个系列好难拍,又要令大家惊又要令大家开心,所以呢套戏好适合拍拖时同女仔睇,会令感情更进一步。(你同边个睇?)你哋边个有时间?(同绯闻女友郭采洁睇?)唔系事实嘅嘢唔回应。(你哋拍拖?)唔系事实嘅嘢唔回应。(有联络?)唔系事实嘅嘢唔回应。」



问Chilam知否古仔感情状况时,Chilam即有样学样扮古仔「播带」:「唔系事实嘅嘢唔回应。」而提到他为电影增肥,他就指重了十几廿磅:「仲未减得番,今日本身系谂住着背心嚟!」


同陈凯琳旅行结婚?郑嘉颖:未必冇机会



艺人郑嘉颖、曹敏莉与名媛陈细洁与胞姊刘陈小宝在湾仔出席颁奖活动。曹敏莉虽然是三个小朋友的妈妈,但身材依然弗爆,没有走样。


郑嘉颖近日忙于与古天乐、张智霖等为新片拍摄,日内将煞科,之后他会放假去旅行休息,他说:「今年拍咗三部电影、做咗一个音乐剧、一个真人骚,都系时候休息。(同女友陈凯琳去旅行?)可能啦,佢下半年仲忙过我。(旅行结婚?)今次就唔会。(下次会?)唔知?,呢啲假设性问题好难答,未必冇机会嘅,但系今次一定唔会。(有冇结婚计划?)有再话你听。」



郑嘉颖女友陈凯琳成为新一辑炸鸡广告代言人,曾是代言人的郑嘉颖对于被「抢饭碗」,他笑说:「抢多啲呀,一个做完到第二个。(情侣档拍广告?)有适合嘅会考虑,不过贵精不贵多。」


邓萃雯与祖蓝「和平分手」:公司太多人



艺人邓萃雯晚上在湾仔君悦酒店出席颁奖活动。王祖蓝近日受访时透露旗下艺人邓萃雯将开工作室,邓萃雯晚上回应说:「系呀,学吓,依家最紧要请个得力助手。(咩形式?)自己经营呢个行业咁多年,好清楚自己要咩,要搵一个人听我讲去帮我实践。(有咩工作想做?)同祖蓝合作已经同佢讲,你帮我唔系笋嘢嚟,我依家嘅阶段唔系等紧爆红机会,唔系需要被认可,亦唔系需要好多钱,所以唔系有钱我就会接工作,想做一个有影响力嘅演艺工作者。



(工作室喺王祖蓝旗下?)唔会,独立工作室,佢公司太多人,要同太多人沟通我处理唔到,不如精简啲。(同祖蓝合作有冇问题﹖)冇问题,佢好nice,当初佢帮我,都有问佢使唔使签合约,佢话唔使签约试吓先。我哋其实合作咗年半,佢公司都未有其他艺人,我系最耐嘅,我系第一个尝试合作嘅「一姐」,哈哈。」


雷庄儿张宝欣海军斗水兵



现年23岁的应届香港小姐冠军雷庄儿赢得后冠一直受到网友狂轰,批评她不够漂亮,哨牙酷似球星苏亚雷斯,更被网友恶搞,负评如潮。雷庄儿在网上直播反击,对负评表示「I dont care!」有人骂她寸嘴,亦有欣赏她够自信。


近日港姐张宝欣、雷庄儿、张名雅与无线副总经理(节目及制作)杜之克等到将军澳出席《台庆巨献:天与地II》记者会,宝欣在台上面对同学仔时继续口窒窒傻笑,而雷庄儿则将第二集读成「第二插」,要担任司仪的区永权出手化解尴尬,而着短裙的张名雅与透视长裙骚腿的雷庄儿齐齐失手春光乍泄。



宝欣接受访问,讲到她依然口窒窒,她即傻笑说:「我觉得讲得几好呀,但可以再好啲!(因为比雷庄儿好?)唔可以咁讲,可能系冇背熟,背熟可以再好啲。(做幕后配音正作会好啲?)我跟字讲应该会好啲,都可以尝试呀,始终未试过。」


?转载授权微信:lama129

? 商务QQ:443317765



399区-无尽梦道

新区活动,免费领元宝

长按上方图片识别二维码